Ingen tvil - originalen er best !

Det er ei stund sida eg nålefilta sist. 

Det kribla slik i stikkefingrane mine at eg berre måtte ta fram nåla og saueulla.

Verdens beste modell hadde eg så det var berre å sette i gang.

Det var når modellen var i buret sitt eg fekk sjansen til å filte.  

Er sånn passe fornøgd med mitt første forsøk. Eg har ikkje gjort ein "seriøs puddel " før.

Og det blir sikkert ikkje den einaste:)

Det er farga ull og litt pelsull av sau eg har brukt. 

Er usikker på korleis det er å nålefilte med ekte puddelpels, fordi den er svært mjuk og langfibra. 

Fargen på ulla eg har brukt er litt for lys i forhold til den vakre originalen og filtefiguren er for liten til å få fram det rette ansiktsutrykket og dei vakre augene.

 Eg har sagt det før og eg seier det igjen:

Det er vanskelig å fotografere ull og slike små figurar.

Og i dag måtte eg i tillegg bruke blits fordi i dag har det ikkje vore dagslys i det heile tatt.

 Derfor har eg leika meg litt og lagt på forskjellige rammer for å få variasjon :)

Det er vel ikkje akkurat ein kvalpepuddel dette, meir ein vaksen. 

Men det er sikkert ikkje langt frå slik godgutten blir når han får ete litt meir tørrfor og skive med leverpostei (og yoghurt og geitmelk) 

Pudler er vakre hunder ! 

Og så har dei så utrolig herlig og mjuk pels. 

Og så luktar dei så godt og så er dei så kloke og så...........

..............................

Og så er eg så fryktelig glad i min Barnum :)

og så blir eg så utrolig varm om hjertet når eg ser på han :)

Petrine og Barnum helsar til alle som er innom og titter. 

Du verden så kjekt det er med slike koselige helsingar dokke legg igjen i gjesteboka og på kommentarfeltet.