Ei lita Barnum-oppdatering for spesielt interesserte

Godt Nytt År alle sammen !

Ja, no er feiringane over for denne gang. Arbeidsdagane har tatt til, julegjestane har reist heim og vi har gått inn i eit nytt år. Dvs her på Sunnmøre har vi blåst oss inn. Vinden var hard og vi var uheldige og fekk ein liten granskog nedover straumledninga vår, slik at vi var utan straum i 4 døgn. Det tok på, både for folk og dyr. Men vi prøvde å gjere det beste ut av det. Været tillot ikkje at vår herlige skatt fekk så mange turar ut, men han fekk til gjengjeld rase av seg inne. Det såg ikkje ut til at han tok det så tungt. 

Men på Julaftan følte han sikkert at han kom i skuggen av alle julepakkane :)

For å halde varmen i huset under straumstansen og for at skatten skulle ha det godt og varmt og ikkje fryse, tok vi like godt dynene med oss ned på stova, fyrte i omnen og sov der sammen med Barnum, som låg i buret sitt. Det er greit med slike nødløysingar, men vi var glade da vi fekk straumen tilbake og vi kunne begynne å leve som normalt igjen.

Barnum fekk besøk av kusine Julia (9 år på Julaftan). Julia er ei god og snill Dvergschnauzertispe og satte Barnumen på plass då han prøvde seg på å vere fantete :)

Trur det var litt rart for Julia å finne denne krabaten her i staden for Frikken. Men det var eit fint møte mellom desse to og dei skal få mange fine stunder sammen:)

Barnum er mykje ute i bingen sin. I går var vi ute med band og vi brukte 10 min på 2 meter ! Men det er ikkje rart for snuten var ned i marka heile tida. Han var tydelig sliten etter denne "lange" turen med alle dei nye luktene.

Nyttårsrakettane ensa han så vidt, men reagerte ikkje nemneverdig på dei. Dei starta selvfølgelig oppskytinga dagen før, så han hadde hørt dei før. Han sov for det meste gjennom heile oppskytinga. Det skal seiast at vi bor på ein ganske fredelig plass. Men litt bråk var det.

I overimorgon skal vi til veterinær for vaksine. I dag har vi klipt litt potar med klippemaskin. Han er så flink så. Vi får gå grundigare til verks etterkvart. Ho Mor skal også venne seg til dette :))

No har eg vore borte frå bloggeland i ganske så lang tid, og har vore meir enn vanlig oppteken av meg og mitt. No er eg gira på å besøke dokke igjen. 

Prøver meg på ein liten video igjen. Denne er så fin ! Nyt synet av den vakre akrobaten ! Han er berre 10 veker gamal. Og det er fuglelydar han hører.