Kjært barn har mange namn

No har eg budd hos desse folka i nesten fem dagar og eg har begynt å snakke sunnmørsk :)
Eg er 9 veker i dag og er fryktelig intelligent seier Mamma.

Ho Mamma gjer nesten ingenting husarbeid og slikt ho, ho berre passar på meg, så dette lover bra. hi hi !
Ho seier eg minner henne om eit Kinderegg, brun, skjør og spennande. Når ho prøver å koste og vaske golvet, må eg berre hjelpe henne. I dag har eg helst på den store Gråduraren som heiter Kirby !
Det gjekk så fint, så neste gong skal eg hjelpe til med å støvsuge også.

Eg hjelper Mamma med å halde styr på tisselaken og avispapira som ligg utover heile stova. Rydder litt opp her og der og flytter på avisene, rister dei litt og sånn. Ellers synest eg Mamma har tilpassa seg ganske bra.  Eg får mat tre ggr for dag, nokre bitte små skivebitar med leverpostei på, tørrfor, liten skvett fra Blåne, vatn og bittesmå bitar med kvitost når vi leikar "gå med  band", "burleiken" og "ved fot".

Eg likar så godt når dei leikar med meg, men eg er glad når dei let meg ligge i fred i buret mitt også. Av og til legger dei meg inn og kosar med pelsen min, og då sovnar eg. Men eg brukar å gå inn sjølv også og legge meg til. Eg har tatt med meg leiker inn i buret og så ligg eg der og kosar meg med dei og bit på dei.

I dag leika vi burleiken. Mamma har opp og igjen burdøra mi og dersom
 eg er rolig og sit stille i buret når døra er igjen, får eg belønning. Mamma seier eg er fryktelig lærenem og veldig  freidig med å bite på tjukklestar og fotar. Dette likar dei ikkje, og når eg bit for hardt, seier Mamma "au" og snur seg bort, då gjeng eg like godt og legg meg i buret mitt, for slike folk likar eg ikkje å leike med.

Eg har vore ute i snøen og det var kjekt ! Men det er litt kaldt og vått. Så det blir berre små lufteturar. Men dei har lova meg mange turar ut seinare. No har eg forresten nok med å forholde meg til alt som skje her inne. Eg har helst på storesysta mi og svogeren min, eg har helst på begge bestemødrene mine. Eg likte dei veldig godt.Trur nok dei synest eg er søt og veldig liten.

Av og til når eg gjer noke kjekt, forandrer Mamma ansiktet sitt og det blinker, av og til kjem ho heilt ned til meg og stikk noke svart og rart innpå kroppen min. Då napper eg etter det. 

Det er visst kamera det heiter.

Og så ler ho. Ho tek bilder, og seier eg må berre venne meg til å vere "linselus" ?
Og at eg er ein kjendis i visse bloggekretsar.

Eg likar senga mi på soverommet også, ho er heilt ny og mjuk. Eg er så heldig å få dele rom med mamman og pappan min her, så eg slepp å ligge heilt aleine. Frikken låg på kjøkkenet, han. Men så hadde han så sterk "boffing" at dei hørte han godt oppå loftet.

Mamma tullar med meg :) Eg var litt skeptisk men så såg eg det var Mamma for eg kjende igjen lua hennar.

Og så må eg seie at eg er veldig spretten, og at eg i neste veke sikkert klarer å hoppe opp i sofaen.
Mamma sit i sofaen og strikkar for harde livet, for ho ser at snart sprett eg opp og vil leike meg
med nøstet. Det er visst ein ny vintergenser til meg for den ho hadde strikka var veeeeeldig stooor.

Eg trur eg saknar litt dei andre i kennelen eg kjem frå, men det blir mindre og mindre.
Det var ein fin Kennel og eg budde sammen med mange andre hundar og snille folk.
Den heiter Kennel Micane. Det går an å lese og sjå bilder av den plassen her.
Sjå kor flink Miriam er ! 

Mamma er stolt i stemma si når ho forteller andre at eg har ei flott stamtavle og at puddel-pappa er russisk. Eg har mange namn. Kennelnamnet mitt er : Micane`s Russian Magic ! Men Mamma er litt rar, det veit dokke, så eg har fått meir namn: Barnum Konrad Amber Brun. Barnum for Barnum, Konrad fordi mamma ikkje greidde å bestemme seg for enten Konrad eller Barnum. Og når det likevel vart Barnum Konrad, følte Mamma at det måtte til litt til for at det skulle "synge" fint når du seier det, og så vart det Amber fordi det er rav, og augene mine er ravfarga, og Brun er eit fint namn å avslutte med, nesten som eit etternamn, og så er eg då BRUN ! Kjært barn har mange namn, seier ho !

Men eg kjem stormande når ho ropar BARNUM !
Og det likar Mamma veldig godt ! Det lærte eg på søndag :) Og Pappan min er stolt. Han har gode fotar å kose på og varmt og godt fang eg har fått ligge på både mandag og tirsdag etter han kom heim frå jobb. Ellers seier mamma at eg ikkje kan ligge på fanget heile tida, for då verte eg ein sofagris, og gris vil eg ikkje vere. Men lus kan eg vere, ei redige linselus !

Vi likar å kose oss, Mamma, Pappa og Barnum :)

Her er vi Mamsèn og Lillegutt. 

No må eg stoppe å  fortelle, for dokke må nå sjå på bilde og film også.
Videofilminga har dårlig kvalitet, men innhaldet er upåklagelig, seier mamma!

Helsing Barnum Konrad Amber Brun