Ein Rotekopp og ei Surpe-Sara har eg alltid vore og det ser ut til at eg fortsatt skal behalde den tittelen. Eg klarer til og med å rote vekk koselige kommentarar her på bloggen. Det har seg slik at eg ved eit par høve har fått forespørsel om å fjerne ordrebekreftelsen slik at det blir enklare å legge igjen kommentarar.
Eg er lettare hysterisk for virus og spam og ugreier og for å vere på den sikre sida, har eg beheldt desse bokstavane, som ikkje alltid er så lette å tyde. Men, som den greie dama eg er, tok eg det likevel bort, med tanke på å gjere det enklare. For kva gjer ein ikkje for ein kommentar eller to ? HAHA
Det resulterte i at det like etter kom rare anonyme kommentarar som eg ikkje ville ha. Derfor slo eg på ordrebekreftelsen. Så fekk eg tips om at eg kunne bruke kommentarmoderering, så det stilte eg inn på torsdag.
Vanligvis brukar eg å få fleire enn fire helsingar på Himmelsk-innlegga min, så eg blei litt skuffa og tenkte at er det ikkje fleire som kommenterer skal eg virkelig vurdere å ikkje vere med lenger. Som det skarpe skulelyset eg er, sjekka eg at alt var i orden med innstillingar og slikt, men ingen fleire kommentarer var å spore. Eg vart litt skuffa, for eg er noke bortskjemt på fleire enn fire kommentarer og eg hadde hatt fleire besøk.
Så eg bestemte meg for å ta bort heile modereringa og gå tilbake til bokstavane igjen.
Så var det at eg snubla inn på ein knapp eg har sett ofte men ikkje teke notis av.
DER LÅG DET 24 KOMMENTARER OG VENTA PÅ Å BLI MODERERTE AV MEG !
Så glad eg vart ! Eg likar så godt å få kommentarer og det gjer blogginga mykje kjekkare !!
Apropos rotekopp. Nyt vinduskarmen min ! Eg er velsigna med breie vinduskarmer og her har eg virkelig utnytta det. For den skarpe lesar veit sikkert at eg har fått meg KVALP og det er oppi vinduskarmen alt hamnar som han ikkje skal ha tak i. Garn, pinnar, ledningar, ledningar og ledningar, bøker, saks, penn, målband mm i tillegg til dei andre tinga som er vanlig å ha i ein brei vinduskarm her i hus :)
Her er altså VÆRHUSET mitt !
Der er det ikkje rotete, for der er mannen inne og ryddar,
og kona er ute og lufter hunden (trur eg)
Harmonisk og godt !
Slik skal det vere !
Det blei ikkje eit gammal og brukt værhus, men eit nytt og fint ! Med plastikk- rådyr og det heile !
Og eg liker det veldig godt !
Eg fekk det i julegave av Barnum.
Fantastisk hund !
Og eg som ikkje har blogga det før no.
Rotekopp og Surpe-Sara !!
